Парламенттің сыйлығына ие болған тілшіміз ұзақ жылдар бойы заң шығарушы органнан хабар таратып жүр. Сондықтан тілшілердің еңбегін  елеген халық қалаулылары кәсіби мереке қарсаңында байқау жариялаған болатын. Сайыс 6 номинация бойынша өтті.  Ол үздік телевизиялық, басылымдық, интернет және радио мен фото-видео материал. Ал, жеңімпаздарды анықтау депутаттар үшін қиынға соғыпты. Өйткені, бірінен-бірі озатын 100-ден астам материал түскен. Сөйтіп, «Арнайы репортаж» аталымы бойынша озық шыққан тілшіміз Жәудір Оразханға арнайы мүсінше табысталды.

ЖӘУДІР ОРАЗХАН, ТІЛШІ:

-Еңбегіміздің еленгеніне қуаныштымыз. Және осы марапаттың артында бүкіл ұйымшыл ұжым тұр. Сондықтан бұл менің ғана емес, біздің оператор, редакторлардың да еңбегі, жемісі деп ойлаймын.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!