​5 бірдей өңірдің тұрғындарына ескерту жарияланды

Батыста бұрын соңды болмаған аптап ыстық күтілуде. Мәселен, Маңғыстау облысында сынап бағанасы 43 градусқа дейін көтеріледі деген болжам бар. Яғни, шілденің шіліңгір ыстығы әлден-ақ басталып кетпек. Ыстық ауа-райы Батыс Қазақстан, Ақтөбе, Атырау облыстарында орнамақ. Мамандар мұнда үш күн қатарынан 40-41 градус болады деді. Есесіне, Қостанай облысы салқын самалмен тыныстайды. Қазгидромет мұнда керісінше жаңбыр аралас боран соғып, найзағай жарқылайды деп болжап отыр.