Елімізде ескі-құсқы көлігін жоюға тапсырған қазақстандықтар жеңілдік сертификатымен 7 359 отандық автомобиль тізгіндген.  Жалпы, утилизациялау бағдарламасы бойынша бүгінге дейін жүргізушілерге 8 миллиард теңгеден астам қаражат төленіпті.

2016 жылдың қараша айында жүзеге асырылған бағдарламаға қатысам деушілердің қарасы мол. Бүгінге күнге дейін 70 мыңға жуық жүргізуші ескі көліктерінен құтылған.

Айта кетейік, тозығы жеткен темір тұлпарды қабылдау екі санат бойынша жүзеге асырылады. Егерде сіз әкелген көліктің қозғалтқышы, есіктері, шанақ, радиатор мен аккумулятор және 4 дөңгелегі түгел болса тиісінше 150 мың теңге аласыз. Ал онысы жоқ машиналар 48 мың теңгеге бағаланады.

Сондай-ақ, қолма-қол ақшаның орнына отандық автомобильді сатып алуға 315 мың мен 650 теңге аралығындағы сертификат алуға болады. Дәл осы жеңілдік сертификатын тарату бағдарламасы сәл кейін бір жыл бұрын басталған еді.

Бір жылдың қорытындысы көңіл қуантарлық. Яғни. 12 айда 14 632 көлік қабылданыпты. Өткізілгендердің дені істен шыққан жеңіл автокөліктер. Оның 343 ғана тым ескіріп кеткен жүк көліктері мен автобустар. Жеңілдік пен Қазақстанда құрастырылған 7359 су жаңа темір тұлпар саудаланған.

Жомарт РАХЫМЖАН «ӨКМ Операторы» ЖШС өкілі

-Ең ескі көліктер 1946 жылы шыққан. Москвич маркалы машинасы. Бертін келе өткізілген автокөліктің жылы 2014 жылы болды. Ескі көліктерді қабылдау бағдарламасы еліміздің 17 қаласында жүзеге асырылып жатыр.

Бүгінде жүруінен тұруы көп көлік иелеріне аударылған қаражат Қазақстан бойынша 8 млрдтан теңгеден асқан. Ал, жиналған машиналардың барлығы Қарағанды облысындағы ескі көліктерді өңдеу зауытына жөнелтіледі. Бұл бағдарлама қозғалтқышы істен шығып, әбден шаруасы біткен көліктің жүргізушісі үшін тиімді. Сондықтан сіздер де шірудің алдында тұрған көліктеріңізді ақшаға немесе жеңілдік сертификатына айырбастасаңыз болады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!