Алматы облысында болған жанүршігерлік апатқа қатысты алғашқы болжамдар пайда болды
Алматы облысында жантүршігерлік жол апаты болды. Кеген-Нарынқол тас жолында бір-біріне қарама-қарсы келе жатқан екі көлік соқтығысып, оқиға орнында 5 адам тіл тартпай кетті.
Автор: Әсем Лесбек
03.07.2018
Тағы 7 адам ауыр жағдайда ауруханаға жеткізілген. Арасында 10 айлық бала да бар. Олар әр түрлі дене жарақатымен жансақтау бөлімінде жатыр. Ал, апаттан қаза болғандардың төртеуі бір отбасының адамдары. Олар жедел-жәрдем келгенше жан тапсырған. Алдын ала мәлімет бойынша, жол-көлік оқиғасына ауа-райының қолайсыздығы себеп болуы мүмкін. Toyota Camry мен ЗАЗ -дың жүргізушілері нөсер жауында бір-бірін байқамай қалды деген болжам бар. Аман қалғандардың өмірі үшін дәрігерлер арпалысуда.
Гүлмира Мұқанова, директордың емдеу жұмыс жөніндегі орынбасары:
-Жетеуі реанимация бөліміне түсті. Облыстық клиникалық ауруханадан дәрігерлер шақырылды, консультаттар. Нейрохирург, хирург, травматолог шақырылды. Жатқан екі науқастың жағдайы ауыр, үшеуі орташа ауырлықта.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
