Аптап ыстық ақтөбеліктерді де әбігерге салып жатыр

Қазір бұл аймақта сынап бағанасы +43 градусқа жеткен. Көпшіліктің көлеңкеден шыққысы жоқ. Қапырықта сая іздеген халық су жағалап жүр. Жұмыс күндері адам аяғы аз болатын өзен жағалауына жұрт қаптаған. Тіпті қала орталығындағы су бұрқаққа шомылып жатқандар жеткілікті. Синоптиктер мұндай аптап әлі апта соңына дейін сақталатындығын айтады. Тіпті, кешқұрым ыстық басылмай, сынап бағанасы +37 градус көрсетеді. Алқымнан алған ыстық гипертония мен жүрегі ауыратын жандар қиналуда.