Небәрі он жасында джаздан  түрлі халықаралық фестивальдерде Қазақстанның жалауын желбірткен Айбек Жебегеннің бүгінде аспапты үрлеуге де әлі жетпейді. Қауіпті дертпен күрескен жеткіншектің қазіргі салмағы бар-жоғы 24-ақ келі. Оның бұл жайы, әсіресе, әкеге ауыр тиген. Ұрпағының жалғасы жалғыз ұлы ауырсынған сайын ол да жанын қоярға жер таппайды.

Айдын Оңалбаев, Айбектің әкесі:

-Кішкентай болса да, ауыр дертке шалдыққанын өзі сезіп, қазір енді кейбір кезде бізге де білдіртпейді.  Күресіп жатыр баламыз бізбен қатар. Соған ризамын.

Бала қазір тіпті, далаға шығудан қалды. Кез-келген жұқпа, әлсіз ағзасына ауыр соққы болмақ. Сол үшін де бетін тұмшалап жүреді. Бастапқыда дәрігерлер асқазаны ауырады деп ем-дом жасаған. Алайда дерті асқына берген. Сөйтсе, қатерлі ісік бұлшық етінен анықталыпты. Бұған дейін жұрттан жиналған қаражат аса қымбат емді жалғастыруға жетпей жатыр.  

Венера Оңалбаева, Айбектің анасы:

- Кореядан құдай қаласа баламыз жазылып келсе деп армандаймыз. Соны құдайдан да, сіздерден де сұраймыз.

Ісіктің бұл түрі 6 миллион баланың біреуінде ғана кездеседі екен. Әрі тек ұлдарға ғана жабысатын көрінеді. Сынаққа сынғысы келмейтін Оңалбаевтар отбасы күресті жалғастырғысы келеді. Өйткені, аталған терапиядан бала аман-есен өтсе, ісікті отамен алып тастауға мүмкіндік береді екен.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!