Грекияда төтенше жағдай жарияланды
Грекияда орман өртінен қаза тапқан адамдар саны 50-ге жетті. Олардың арасында балалар да бар.
Автор: Әсем Лесбек
24.07.2018
Тағы зардап шеккен 156 адам ауыр халде ауруханаға жеткізіліп, көбі жансақтау бөліміне түскен. Ал қызыл жалын курортты қала Матидан шығып, 30 шақырым жердегі ел астанасы Афинанаға дейін жетті. Тілсіз жаудан көліктеріне мініп қашпақ болғандар , машиналарымен қоса тірідей жанып кетіпті. Теңіз жағалауында жүздеген туристер қалып қойған. Ал қызыл жалынның бетін қайтаруға 600-ден аса өрт сөндіруші, 5 тікұшақ пен 300 техника жұмылдырылған. Еуроодақтың бірнеше мемлекетінің құтқару қызметі көмекке келіп жатыр. Ел президенті Прокопис Павлопулос аза тұту күнін де белгіледі. Өрттің шығуына аптап ыстық пен қуаншылық себеп.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
