Шымкенттік көліктерге 17-ші аймақ нөмірі беріле бастады

Және бір күннің ішінде 50-ден астам азамат су жаңа нөмірді рәсімдеп үлгерді. Алғашында жаңа цифрларды таққысы келетіндер бірден мамандандырылған арнайы халыққа қызмет көрсету орталықтарына ағылады деп күтілген. Бірақ, мекемелерде әзірге дүрбелең байқалмайды. Айта кетсек, Шымкент мегаполис аталғалы талай әзілдің өзегі болған 13-ші аймақтан 17-ге өзгереді деп шешілген. Ал, Түркістан облысы баяғыдай 13 нөмірімен қала бермек. Енді шымкенттіктер тиісті құжаттармен келген жағдайда 90 минут ішінде 17-ші аймақ нөмірінің иесі болып шыға келмек.