Заң жобасы осы шілденің 31-і күні күшіне енеді. Соның арқасында 5 мың сотталушы бостандыққа шығуы мүмкін. Оның өзінде барлығы бір мезгілде абақтыдан шықпайды. Бірақ, ізгіліктендіру шарасының адам өлтірген, зорлық-зомбылық жасап, біреудің денсаулығына зиян келтірген сияқты ауыр қылмыс арқалағандарға қатысы жоқ. Тек заңды жұмсартудың арқасында біраз жеке тұлғалардың, кәсіпкерлердің айыппұл көлемі қысқартылып, тергеу қапасында жатқандар саны да үш есеге азаюы тиіс. Ал бір кездегі білдей министрлік пен халықаралық көрмені басқарған бұрынғы дөкейлерге жаңа заңның шапағаты тимейін деп тұр.

Марат Ахметжанов, ҚР Бас прокурорының орынбасары:

-Оларға ұйымдасқан топ құрамында болып, ауыр және аса ауыр қылмыстар жасады деген айыптар тағылған. Ол Бишімбаев болсын, Ермегияев болсын, осындай айыптар тағылып, үкім шығарылып, ол күшіне еніп кетсе, олар бұл санатқа жатқызылмайды.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!