​Шығыста жолаушылар автобусы көпірден ұшып кетті

Жол апаты, Риддер қаласында болған.   ПАЗ маркалы автобус Риддерден Коноваловка ауылына бағыт алған екен.  Жүргізуші жылдамдықты шамадан тыс асырса керек, тізгінге ие бола алмай қалған. Соның салдарынан қоғамдық көлік көпір жиегіндегі темір қоршауларды талқандаған күйі, өзенге  құлап кеткен. Салонда бес жолаушы болыпты. Оның төртеуі сынық жарақатымен ауруханаға жеткізілді. Апаттың себеп-салдарын жол сақшылары анықтап жатыр. Сондықтан  жүргізушінің ішімдік ішкен -ішпегені әзірге белгісіз.