Алғашында Қырғыз жерінде тұтанған жалын Жамбыл ауданына қарасты «Ұзынбұлақ» шатқалына жеткен. Бұл маңда долана, итмұрын сынды жабайы жеміс ағаштары қаулап өседі. Шарпыған жалын енді олардың күлін көкке ұшырды. Жалпы көлемі 500 гектардан асатын жайылым жанып кеткен. Өрттің өршуіне күшті жел себеп болып жатыр. Оның үстіне техникалар да таулы аймақтарға жете алатын емес. Сондықтан мамандар таулы аумаққа жаяулап жетіп, отты жалаң қолмен сөндіруде. Ал қызыл жалынды ауыздықтауға 100-ден аса адам мен 20-ға жуық техника жұмылдырылған. Бірақ әзірге нәтижесіз. Қазір аудандардан қосымша күш тартылып жатыр. Тіпті көкке тікұшақ көтеріліп, жағдай әуеден бақылауға алынды. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!