Тамылжыған тамыз келсе де , аптаптың беті қайтатын түрі жоқ

Ауа райын болжаушылар тамыздың жетісі мен тоғызы аралығында Оңтүстік және Батыс Қазақстанда сынап бағамы 40 градусқа дейін көтерілетінін хабарлады.  Демалысқа қарай қоңыр салқын боп, сарша тамыз басталмақ. Сарша дейтініміз -алқаптардағы сары алтынды жинауға диқандар үшін қолайлы мезгіл , яғни жылы да құрғақ күн райы қалыптасады.Ал Батыс пен солтүстік-батыста жұма-сенбі күндері бұршақ аралас жаңбыр жаууы ықтимал. Таймыр түбегінен келетін салқын ауа массаларының арқасында күн райы 20 мен 28 градустың төңірегінде болады.