Шаһар республикалық маңызы бар қалалардың қатарына қосылған соң,  осы шаһардың екі өкілін Сенатқа қосу туралы ұйғарым жасалған. Сайлау 5 қазанда өтеді. Үміткерлер өзін өзі ұсына алады. Ал кандидаттарды қалалық мәслихат таңдайды. Сенаторға қойылатын талаптар мынадай: үміткердің жасы 30-дан асуы тиіс. Жоғары білімі бар болуы және еңбек өтілі 5 жылдан аз болмауы керек.  Оңтүстікте кем дегенеде үш жыл, жалпы елімізде он жыл тұрақты  тұратын адам ғана сайлауға түсе алады. Сондай-ақ, кандидаттың сотталмағаны,  жемқорлық дауына ілікпегені абзал. Ал сайлау алды үгіт-насихатқа жұмсалатын шығынға қазынадан арнайы қаржы бөлінеді.  Қазір Сенатта 47 депутат бар. Олардың бір бөлігі  әр облыстың,  Алматы мен Астананың өкілі. Ал 15 сенаторды президент тағайындайды.  Депутаттық мерзімі 6 жыл. Жоғары палата мүшелерінің  жартысы 3 жыл сайын қайта сайланады.