Өскеменде құрылыс алаңында тұрған алып кран құлады

Жұмыстың  нақ қызған шағында болған оқиғаны куәгерлер ұялы телефонға түсіріп алған. Болжам бойынша, ауыр техника орналасқан жердегі топырақ кранның салмағына шыдас бермей, жылжып кеткен болуы мүмкін. Соның салдарынан оның жебесі шайқалып барып, жерге құлдилаған. Абырой болғанда, сол маңдағы көліктер мен адамдардың үстіне түспепті. Кранның  ішінде отырған жүргізушісі де дін аман. Қазір оқиғаның мән-жайын тәртіп сақшылары мен төтенше жағдай мамандары бірлесіп анықтап жатыр.