«Канелоның» қанынан допинг табылды» деген мәлімет желіде лезде тарап кетті. Содан кейін Генаның жеңілісіне әлі де сене алмай жүрген жанкүйерлердің төбесі көкке жетіп, бір-бірін құттықтап пікірлер қалдырған. Десе де, бокс федерациясындағылар көпшіліктің қуанышын су сепкендей басты. «Федерация ондай мәлімет таратқан жоқ» деп, желідегі әңгімені жоққа шығарды.

Бұдан бөлек, Головкинге 3 миллион теңге тіккен азамат өз-өзін өртеп жіберді деген мәлімет те өтірік боп шықты. Көшедегі өрттің видеосы әлеуметтік желіде тарап, жұрттың жағасын ұстатқан еді. Сөйтсе, 28 жастағы астаналық осылай әзілдемек болыпты. Бірақ артынша кешірім сұрап полицияға барған. Десе де, қалжыңбас жігіт жауапкершіліктен құтыла алмайды.

-Сол видеоны мен түсірген болатынмын. Негізі, оның бәрі жалған. Олай болмаған. Ол жерде ешқандай адам өлімі де болмаған. Мен қалжың ретінде түсінрдім оны, группаға кластастарға жібере салғам.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!