Алматыда саябақ өртке оранды

Алматыда саябақ өртенді.  Қураған шөп пен көлік дөңгелектері өрттің лезде 200 шаршы метр жерді шарпуына сеп болған. Жалын дер кезінде ауыздықталмағанда, жанындағы жер үйлер де қызыл жалынға орануы мүмкін еді. Оттың неден тұтанғанын өрт сөндірушілер де, саябақ қызметкерлері де нақты айта алмай отыр. Бес арнайы көлікпен 26-ға жуық адам тілсіз жаумен  бір жарым сағат бойы арпалысты. Боралдайдағы саябақтың өртену себептері мен шығын көлемі анықталып жатыр.