Ауыл тұрғындары шаң-тозаңның кесірінен шетімізден тыныс жолдары ауруымен дәрігер тізіміне алынғанбыз дейді. Ауа жетпей, жөтел қысып, бас айналады екен. Ол аздай соңғы екі жылда малдың көбі ауырмай, сырқамай арам қатып жатқан көрінеді.

Қабира Диқаншиева, Бүркітті ауылының тұрғыны:

-Соғымға сояйын деп отырған өгізшем іші кеуіп ұлап жатты. Қиын болып тұр жағдай.

Бүркітті ауылының маңында екі теміржол тұйығы бар. Бірі осы маңдағы кен орындарынан шығатын шикізатты қалаға жөнелтуге арналған. Дегенмен, мырыш пен алтынның кені қыздың жүгіндей жиналып, вагондарға тиеледі. Кен орнындағылар шикізатты экспортқа жөнелту барлық ережеге сай атқарылып жатыр дейді. Ал айналаны шаң-тозаң қып жіберетін екінші темір жол тұйығындағы көмір екен. Дегенмен көмір қабылдайтындар экологиялық нормаларды бұзбағандарын айтады. 

Cұңғат Смағұлов серіктестік директоры:

-Экология, салық органдарына қатысты рұқсат құжаттарымыз бар. Кәсібімізді 6 жылдан бері дөңгелетіп, ауыл тұрғындарын да жұмысқа алдық. Шу шығару арқылы бізден көмірді тегін алғысы келеді. Жол салып беріңдер, тіпті қораның қиын шығару үшін техника бөл деп шығады. Мен кәсіпкермін, пайданың орнына шығын көбейсе, кәсіпті тоқтатуым керек болады.

Компания аудандағы 20 шақты ауылды көмірмен қамтиды. Шалғайдағы мектеп, аурухана сияқты бюджеттік мекемелер де осыларға қарап отыр. Дегенмен, ауылға құрамында экологтары бар комиссия барып, тексеріс жүргізетін болды.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!