Байғали Серкебаев:

-Әкем  ұлт мәдениетінің, әсіресе, классикалық музыка өнерінің дамуына үлкен үлес қосқан адам. Эстрадалық әнші ретінде де кеңінен танылды. Келушілердің назарына оның сұхбаттарынан үзінділер және сол замандағы музыкалық шығармалар ұсынылады. Ал мультимедиялық шараның ерекшелігі қонақтар көрмені тек құлаққап киіп, пультпен басқару арқылы көре алады.

Шараны Серкебаевтың ұлы Байғали мен оның қыздары ұйымдастырған. Онда опера жұлдызының өмірі жайлы қысқаметражды фильмдер көрсететін алты зал бар. Көрермендер оны құлаққап киіп, пультпен басқарып отырып көре алады. Ұлы Байғали дыбыстаған аудиогид арқылы әншінің өмірі туралы мағлұмат алып, музыкалық шығармаларын тыңдап көруге болады. Сондай-ақ бұрын-соңды экранға шықпаған танымал қайраткерлердің кинолары мен фотоматериалдары көрсетіледі. Ұйымдастырушылар ол мәліметтерді Орталық мемлекеттік мұрағаттан және Ресей фильмдерінің қорынан алған. Ал залдардың бірі Серкебаевтың ата-анасы мен балалық шағына арналыпты. Көрмеде әншінің әлемдік гастрольдық сапарлары да қамтылған.

Кәмила Серкебаева, Ермек Серкебаев Қорының директоры:

-3 жыл бұрын Ермек Серкебаев Қорын аштық. Бүгінгі көрменің идеясы сол кезде туындады. Шара «Арман» арт-кеңістігінде 25 қазанға дейін өтеді. Қонақтар бір ай бойы көрмеге тегін кіріп, атамның өмірі туралы біле алады. Алдағы уақытта шараны еліміздің басқа қалаларында ұйымдастыру жоспарда бар.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!