Телехикая Америкада туып өскен қазақ жігітінің елге келуінен басталады. Атасы ауырып, жат жұрттағы немересінің ауылға қайтуын өтінеді. Осыдан кейін жігіттің ауылдағы өмірі бенеленеді.

Баян Алагөзова, бас продюсер:

-Туындының идеясы осыдан екі жыл бұрын айтылды. Қонақта отырғанымда не қазақ, не орыс тілін білмейтін Швейцарияда тұратын қазақ жігітімен таныстым. Ол да осылай себептерге байланысты Қазақстанға келіп ауылдық өмірді көріп оған біраз үйрене алмайды. Кейін сол ауылдағы қызға ғашық болып елде қалып, қазір екі баланың әкесі болып отыр. Яғни сериалдың сюжеті өмірде болған оқиғадан алынған.

Америкалық Алан ауылда жүріп көрші үйдің қызы Бибігүлге ғашық болады. Алайда бойжеткенді өзіне қарату оған қиынға түседі. Себебі, ол тек ағылшын тілінде ғана сөйлей алады. Туындыда бас кейіпкерді «Рензо» тобының белді мүшесі, әнші Асқар Ахмет сомдаған.

Асқар Ахмет, актер:

-Менің ойымша мен өзім жақынмын бұл рөлге. Себебі, көбінесе шетелдік өнерде өскен адам болғандықтан кинолар көп қарағандықтан бұл рөл маған жақын. Мен шыны керек өмірімде ауылда бір рет те болмағам өз ауылымда. 

Назым Әбілдина, актриса:

-Кинодағы рөлім Бибігүл.  Өте тәрбиелі ауылдың қарапайым қызы. негізі ұқсастық бар, кейбір жерлерде өзімді көріп қаламын.

10 сериалы туынды юморға толы. Актерлер тек кастинг арқылы өткен. Соның ішінде театр өнерінің шеберлері Алмат Сақатов, Айгүл Иманбаева сынды кәсіпқой актерлер ойнайды. Ал туындының түсірілімі Алматы облысында күні-түні өтіп жатыр. Сценаристер телехикая көрерменнің қызығушылығын оятады деген үмітте. Күлкілі оқиғаға толы «Оралу. Сау бол, Америка» сериалы КТК арнасынан жақын айларда көрсетіле бастайды.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!