Алматыда жылудың қашан берілетіні белгілі болды

Алматыда жылу маусымы 15 қазаннан басталады. Одан бұрын балабақша, мектептер мен ауруханалар сияқты әлеуметтік нысандарға жылу беріледі. Ал тұрғын үйлер мен әкімшілік ғимараттарға жылу сәл кешеуілдетіп қосылуы мүмкін. Себебі қаладағы орташа температура бүгінгі таңда он градустан жоғары. Мерзімінен бұрын жылу берілу үшін температура 5 күн қатарынан сегіз градустан төмен болуы керек дейді әкімдіктегілер.  Айтуыларынша, қазіргі  таңда шаһардың жылуэнергетика кешендері мен құбырлары жылыту маусымына жүз пайыз дайын екен.