АҚШ санкция қолданар кезде Қазақстанның мүддесін ескеруге уәде етті

АҚШ-тың Ресейге қарсы санкциясы енді елімізге әсер етпеуі керек! Өйткені, Америка тарапы бұдан былай мұны ескеруге уәде берді. Вашингтонға жұмыс сапары кезінде Ұлттық экономика министрі Тимур Сүлейменов, америкалық әріптесімен осындай келісімге келді. Енді соған сай, конгресс  санкция салуға қатысты құжатты қарастырғанда Қазақстанның экономикасы зардап шекпейтіндей шешім қабылдауы тиіс. Ал, қазір Ресейге қарсы шектеулер елімізге де тікелей әсер етеді. Тіпті, қит етсе рубльдің соңынан теңге де құлдырап шыға келетіні белгілі.