Huawei Mate 20 әлемдегі ең алғашқы жасанды интеллект функциясы бар смартфон. Бір қарағанда  Android операциялық жүйесін еске түсіреді. Алайда смартфонға жарық түсірсеңіз, жарыққа қарай қара түсі де өзгереді. Функционалдық мүмкіндіктері де ерекше назар аударуға тұрарлық. Атап айтқанда 3 модульді Leica камералары. Үш камераның біріншісі кәдімгі смартфондардағы портреттік түсірілімге арналған. Екіншісі - монохромды, күндізгі уақытта да, түнде де суреттерді өте тұнық түсіре алады. Сондай-ақ сізге алыстағы нысанды жақындату қажет болса, камера сапаны жоғалтпастан бес есе жақындатып бере алады. 

Бенджамин Дюк, Leica компаниясының фото және оптикалық дизайн тобының жетекшісі:

-Лайка фототехниканы құрудағы көп жылдық тәжірибесі бар компания.  Онымен түсірген фотосуреттер сапалы әрі әдемі шығады. Біз Хуавей компаниясымен бірігіп әлі талай смартфондар шығарамыз деген үміттеміз.

Шығарушылар смртфонның сыртын классикалық стильге де, еркін дизайнға да лайықтап жасаған. Жалпы телефондардың стандартты режимі 16 да 9 болса, мұнда 19 да 9. Дегенмен көлемі үлкейсе де, қолға ұстап пайдалануға ыңғайлы. Сондай-ақ жаңа смартфонның қуаттағышы сымсыз жасалған. Тұтынушылар оған вай-фай арқылы қосылып, бір жарым күндей жүре алады. Үздік өнім көп ұзамай елімізде сатылымға шығады.

Олеся Колесниченко, Huawei Device компаниясының Қазақстандағы  және Орталық Азиядағы PR-менеджері:

-Хуавей Mate 20 телефондары қараша айының ортасында Қазақстанға әкелінбек. Алғашында түсі қанық жасыл телефондар сатылымға шығады. Жаңа өнім озық технология пайдаланушыларына арнап жасалды.

Сондай-ақ  Хуавей компаниясы «Әлемдегі ең мықты камераға ие смартфон» деген аталымға ие болған. Шығарушылар биылғы телефондар да 2018 жылдың үздік өнімі болатынына кәміл сенеді.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!