Гаити президентіне шабуыл жасалды

Жовенель Моизға белгісіз біреулер Пон Руж қаласында оқ атқан.  Ол жерде тәуелсіз Гаитидің негізін қалаған Жан-Жак Дессалиннің өмірден өткеніне 212 жыл толуына орай салтанатты жиын болып жатқан еді. Президент мемориалға гүл шоқтарын қояр сәтте қаскөйлер шабуыл жасаған. Алайда олардың арам ойы жүзеге аспады. Оққағарлар басшыны қауіпсіз аймаққа шығарып үлгерген. Жовенель Моиз дін аман, бірақ күзетшісі жараланды. Моиздың Гаитиді басқарғанына бір жарым жылдан асқан.