Күні кеше ғана Энергетика министрі Қанат Бозымбаев астық ору науқаны аяқталып, сұйық отынға сұраныс азаяды, сәйкесінше, баға да арзандайды деп мәлімдеген еді. Алайда, жанармай бекеттерінің таблосындағы көрініс мүлдем басқа. Дизель отыны қазір бекеттерде 191-194 теңге аралығында сатылып жатыр. Сарапшылар дизель отынының бағасы осы қарқыннан таймайды деп болжайды. Мамандар ішкі сұранысты қамтуға отандық зауыттардың шамасы жетпей жатқанын жеткізді. Оның үстіне біздегі баға Ресей нарығына тәуелді. Қазір ол жақта да сұйық отын қымбаттап жатыр.

Сергей Смирнова, экономист:

-Бізде қойылатын баға Ресейге тікелей байланысты. Екіншіден, акциз деңгейінің көтерілуі бағаның өсуіне әкеп соғады. Кәсіпкерлер пайдадан қағылып, банкортқа ұшырағысы келмейді. Үш зауыт тонналап сұйық отынды өндірсе де, олардың шығыны көп. Суық түскелі дизельге сұраныс та артты.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!