Астанада таныс келіншегінің сөмкесінен ақша ұрлаған экс-шенеунік 4 жылға сотталуы мүмкін
Бұрынғы Спорт және туризм министрлігінің жауапты хатшысы болған азамат 4 жылға қамалуы мүмкін. Экс-шенеунікке таныс келіншегінің сөмкесінен 2 миллион теңгеге жуық ақша ұрлады деген айып тағылып жатыр. Өзі оны мойындаған жоқ. Алайда әлгі әрекеті бақылау камерасына түсіп қалған.
Автор: Ербол Тұрымбет
02.11.2018
Оқиға қаладағы мейрамханалардың бірінде болған. Жапа шегуші Айсұлу Жачина, оның құрбысы және экс-шенеунік Қобыланды Мусин барлығы бірге отырады. Бақылау камерасынан белгілі болғаны, Мусин жалғыз қалған сәтте жанында тұрған сөмкеге қолын созып, ішінен ақша алады. Жапа шеккен тарап, 1 миллион 800 мың теңгенің қолды болғанын айтып отыр. Сот барысында сол материалдық шығынынан бөлек, тағы 7 миллион теңге моральдық шығын талап етті. Ал тарап кеткен спорт және туризм министрлігінің бұрынғы жауапты хатшысы Мусиннің өзі соңында дастарханның есеп-шотын төлер кезде ақшам жетпей қалып, қыздардан қарызға бар-жоғы 4 жарым мың теңге алдым дейді. Сөйтіп, тағылған айыппен келіспей отыр.
Еркеғали Зәкіров, мемлекеттік айыптаушы:
-Мусин маусымның 25-іне мейрамханада Жачинаның сөмкесін қараусыз қалдырғанын көріп, ішінен 1 миллион 800 мың теңгені алған. Мұны тергеушілер анықтады. Сондықтан оны дүние-мүлкін тәркілемей-ақ, 4 жылға бас бостандығынан айыруды сұраймын.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
