Жалпы қазір отандық кинотуындыларды көруге келетіндер саны көбейген. Соның ішінде "Ұлы дала комедиясын" тамашалайтындар қатары кинотеатрларда әлі сиреген жоқ. Тіпті, фильмді бірнеше қайтара қарап жатқандар бар. Осы уақыт ішінде оған кеткен шығынның толығымен қайтарылғаны сөзсіз дейді кинематографистер. Көрерменді күлкіге қарық қылған туынды әлеуметтік желіде де қызу талқыланып жатыр. Ал комедияның сюжеті танымал әншінің жұлдыз ауруына шалдығуынан басталады. Содан кейін қарапайым жанға айналып, шытырман оқиғаға кезігетін Төреғали туындыда өз рөлін жоғары деңгейде ойнап шыққан. Шынайы өмірден алынған сценарий көптің жүрегін жаулап, бір ай ішінде отандық фильмдер арасындағы рейтингте бірінші орынға шықты. Енді Ұлы дала баласының комедиясы еліміздегі кинотеатрларда тағы көрсетіліп жатыр. 

Айсара Акаева, Алматы қаласының тұрғыны:

-Екі рет көрдім киноны жалпы, өте мағынасы зор. Сол менің балаларым көрмеп еді, бала-шағамызбен келеміз деп жүрміз.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!