Бет қаратпайтын суықтан Көкпекті ауданындағы колледж студенттеріне де қосымша демалыс беріліпті. Ал, Риддердегі бастауыш сынып оқушылары екінші күн қатарынан үйлерінен аттап шықпаған. Аягөз және Үржар аудандарында 9-шы сыныпқа дейінгі оқушылар сабақтан босатылыпты. Әзірге Өскемен қаласындағы мектептер ғана оқу кестесіне сай жұмыс істеп тұр. Бірақ, мұнда да ауа температурасы минус 20-ға дейін төмендеген. Синоптиктер жақын аралықта аяздың беті қайтып, күн жылынатынын айтады. Алайда, облыстағы құтқару қызметі аяғынан тік тұрып, тәулік бойы кезекшілікке көшкен. 

Анастасия Скляр, ШҚО ТЖД баспасөз хатшысы:

-Азаматтардан өтінеріміз, құтқарушылардың кеңесіне құлақ түріп, барлық хабарландарыуға бей-жай қарамаса екен. Мүмкіндігінше алыс сапарға шықпай үйлерінде отырғаны дұрыс. Бірақ, бұған мән бермей жоғалған малын іздеп далалыққа шығып кететіндер көп.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!