Осындай пилоттық жобаны енгізу үшін тіпті арнайы зал жабдықталып, смартфондағы видео теледидардан көрсетілуде. Айта кетейік, бұған дейін мұндай жүйе бойынша тек аса ауыр қылмыс жасағандар сотталатын. Ал енді басқа істерге де кезек келді. Бұл жолы мемлекеттік қызметкерлер Қызылжар ауданының орталығы Бескөл ауылының бас жоспарын қалай болса, солай әзірлеген бизнесмендерді сотқа беріп отыр. Елді мекен мен Петропавлдың ара қашықтығы бар болғаны 15 шақырым. Десе де, шенеуніктер ат шаптырым жерге келуге уақыт таппаған.

Әсел Досымова, судья:

-Сотқа келмеді. Бұл жағдайды олар кадр тапшылығымен түсіндіруде. Қазір онда не басшы, не заңгер жоқ. Сондықтан осылай істеуге мәжбүр болған. Ал басшының орынбасары жұмысы көп болғандықтан, сот отырысына қатыса алмапты.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!