Өткен апта ғана бір келісі 1100 теңге тұрған тауық еті бірер күн бұрын 1700 теңгеге бір-ақ шарықтады. Құс өнімінің сиыр, жылқы етімен теңесуі ешқандай қисынға келмейді. Тіпті, кейбір сауда орындарында тауық етін мүлдем таппайсыз. Құс өндірушілер одағының айтуынша,  кәсіпкерлерге мемлекеттен дұрыс субсидия бөлінбеу осындай салдарға әкеліп соққан. Мәселен, тауықтың әр келісіне 80 теңгеден субсидия қарастырылу керек екен. Барлық өндірушілер ондай қолдау көрмегеннен кейін, шығынға батпас үшін бағаны көтерулеріне тура келеді дейді-құс өндірушілер одағы.

Руслан Шәріпов, Қазақстан Құс өсірушілер одағының президенті:

-Олар субсидия алып жатқан жоқ. Сондықтан, бағаны көтеруге құқықтары бар. Өйткені, ешкімнің шығындалғысы келмейді. Кейбір аймақтарға жүз, ал кейбір жаққа 30 пайыз ғана субсидия бөледі. Мұндай жағдайда бәсекелестік қайдан болсын? Құс фабрикаларының күйі қазір мүшкіл. Көбісі өндірістерін сатуға қойған.

Нарықтағы бағаның құбылуына  Ресей мен Беларусь тауықтарының сатылымнан алып жатқаны да тікелей түрткі. Қоғамдық денсаулықты сақтау комитеті көрші елдің өнімдері гигиеналық талаптарға сай келмейтінін анықтады. Құс етінен сальмонелла табылған. Қазір осы жайт бойынша егжей-тегжейлі тексеріс жүріп жатыр.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!