Бұл Астананың басқа келбеті. Алаш тас жолы бойындағы үлкен көпірдің асты құж-құж қайнаған бизнес. Мұнда бірде бір құжаты жоқ кәсіпкерлер заңсыз бизнестің көрігін қыздырып жатыр. Мыс, алюминий, латунь, темір – түсті металдың бәрін қабылдайды. Тек арасында құдық қақпақтары жоқ. Жалпы, жыл басынан бері 104 құдық қақпағының ұрланғаны анықталып, оның 40-ы осындай металл қабылдау орындарынан тәркіленген. Ал қала бойынша барлығы 68 металл қабылдау орны анықталса, соның тек 16-сында ғана арнайы рұқсаты бар екен. Оларға әкімшілік шара қолданылып, заңсыз бизнесін жабу туралы қолхат жаздырып алады.

Төлеген Сәтбаев, Астана қалалық полиция департаментінің  аумақтық инспекторы:

- Ескерту жазып береміз. Мысалға темірлері жатса сыртта, соларға да ескерту жазамыз. Екінші рет айыппұл салынады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!