Шығыс Қазақстан, Алматы, Қызылорда, Түркістан және Жамбыл облыстарында ауа температурасы 15 градусқа дейін көтеріледі деп болжануда. Соның салдарынан су тасқыны болуы ықтимал. Сондықтан синоптиктер өзен-көлдерге жақын қоныстанған ел-жұртқа сақ болуды ескертеді. Ал 16-нан бастап аталған аймақтарда күн қайта суытады. Жел тұрып, тұман түсіп, көктайғақ болады деп күтілуде. Батыстың жұртын күн-райы демалыс күндері тығырыққа тірейтін тәрізді. Мәселен Ақтөбеде қалың қар түсіп, жолдар жабылуы ықтимал. Сондықтан мамандар алыс сапарға шықпауға кеңес береді.

Марат Тіленбаев, «Қазавтодор» ЖШС Ақтөбе ОФ бас инженері:  

-Алдымен жаңбыр жауып, арты боранға ұласады. Бүгін-ертең көп мөлшерде қар түседі деген болжам бар. Ақ ұлпа басып қалған жағдайда облыс орталығынан шығатын жолдарды жабуға тура келеді.  

Бізді Youtubе-та қараңыз! Бізді Facebook-та, Instagram-да, Telegram-да оқыңыз!