Алексей Цой, Денсаулық сақтау вице-министрі:

-Мәселе дәрі-дәрмектерді ұсыну мәдениетіне қатысты. Дәрігерлер ауызбастырық алу үшін науқастарға фармацевтикалық компаниялардың өнімдерін ұсынады. Біз сол компаниялардың менеджерлерінің жұмысын шектемекпіз. Яғни, олардың жұмыс уақытында дәрігерлерді мазалауына жол бермейміз.

Ал менеджерлер дәрі-дәрмектерін жарнамалаймын десе, үлкен жиындарда немесе дәрігерлердің конференцияларында ресми түрде жариялап, көпшілікке ұсыну керек дейді вице-министр. Өйткені, дәрігерлер науқасты қабылдаудың орнына жарнамашылармен жолығып уақыт жоғалтады. Сосын баспайдасы үшін емделушілерге солардың өнімін ұсынады. Енді жаңа жылдан бастап бұл келеңсіздікке тосқауыл қойылмақ. Ал тегін дәрі-дәрмекке келер болсақ, министрлік керектінің бәрін сатып алып, қойма біткенді толтырып қойыпты. Ал ем қабылдаушылардың керекті препаратын алған-алмағанын смс-пен біліп отырмақ. Сол арқылы дәрі-дәрмектің қоймаларда жатып қалмауын қадағалаймыз дейді министрлік өкілі.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!