Қарағанды облысында құрлыс материалдарын тиеген жүк көлігі өртеніп кетті

Қарағанды облысындағы тас жолда құрлыс материалдарын тиеген жүк көлігі өртеніп кетті. Оқыс жағдай Балқаштан 60 шақырым жерде болғандықтан, өрт сөндірушілер де дер кезінде жете алмаған.  Лап еткен қызыл жалынды көрісімен жүргізуші көліктің тіркемесін ағытып үлгеріпті. Алдын ала болжам бойынша өрт көліктің терезесінен лақтырылған темекі тұқылынан тұтануы мүмкін. Шоқ жүксалғышқа желмен түскен. Тауарының басым бөлігі күл болған көліктің жүргізушісі аман. Ол Ресейден Өзбекстанға жүк алып бара жатқан екен.