Әнші Димаш Құдайберген Қытайды тағы бір дүр сілкіндірді

Талантты жерлесіміз Сиань қаласында өтіп жатқан халықаралық сән апталығының көркін қыздырды. Сән апталығының ашылу салтанатында сахнаға шыққан Димаш Құдайбергенге көрерменнің ықыласы ерекше. Миллиондаған жанкүйер әншінің ерекше даусын асыға күткені белгілі.  Димаш өнер көрсеткен сәтте сән апталығына қатысатын модельдер жаңа топтамаларды көпшілік назарына ұсынды. Бүкіл зал әншімен бірге The Crown және Screaming әніндерін қосыла шырқады. «Белдеу және жол» апталығы күллі әлемнен сәнгерлер жиналатын айтулы шара.