Бішкектен Иранға бағыт алған ұшақ апатқа ұшырады

Мәліметтерге қарағанда, жүк тиелген әуе кемесінде 10 адам болған. Оқиға бүгін таңсәріде болған. Бішкектен ұшып шыққан «Боинг 707» Теһранның түбіндегі Пайам әуежайына қонуы тиіс еді. Бірақ та, қателесіп басқа әуежайға кетіп қалыпты. Бағдарынан адасқан ұшқыш ақырында ұшақты игере алмай, елді мекенге барып құлаған. Кей деректер бойынша әуә кемесінде 16 адам болған деген де болжам бар. Тірі қалғандар жайлы әзірге мәлімет жоқ. Тұрғын үйлердің жанына барып құлаған ұшақты құтқарушылар дереу сөндіруге кіріскен.