Қадырбек Исқалиев, ҚР АШМ комитетінің басшысы:

- Бұл жұмыстар мемлекеттік сатып алу бағдарламасында жарияланатын болады. Мемлекеттік сатып алуға еуропалық одақ та қатыса алады, яғни ихтиолопотологиялық зерттеулерді кім жүргізе алса, солар қатыса алады деген сөз. Сондықтан да біз дәл қазір ол жұмыстардың орындаушысын нақты айта алмаймыз.

Балық өліміне қатысы болуы мүмкін деген мекемелердің бірі - «Атырау жылу электр орталығында» тексеріс аяқталғанымен, экологтар оның нәтижесін құпияда ұстауда. 1 апта бойы жүргізілген жұмыс нәтижесін олар еш жерде жарияламастан бірден ішкі істер органдарына тапсырыпты. Ал, ондағылар әзірге ақпарат беруден бас тартып отыр. Жуықта, «Жайық-Атырау» және «Атырау бекіре балық өсіру» зауыттарында да тексерістер басталмақ. Аймақта, балықтардың жаппай қырылуы өткен жылдың желтоқсан айында басталған еді.  Содан бері ведомствоаралық комиссия құрылып, жұмыс істеп жатқанымен, балықтарды аммиакпен улап өлтірген мекеме әлі күнге дейін белгісіз болып отыр.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!