Қарағандыда 3 жасар баланың өліміне себепші болған дәрігерге қатысты сот басталды
Қарағандыда 3 жасар баланың өліміне себепші болған анестезиологқа қатысты сот отырысы басталды. Жеке стоматологиялық клиникадағы анастезиядан кейін Ресей азаматы Семен Арзамасцев есін жимастан бақилық болған.
30.01.2019
Тергеу мәліметінше, анастезиолог алдымен баланың қандай да бір дәріге аллергиялық раекциясы барын анықтамаған. Бірінші екпе жасағаннан кейін баланың беті көгеріп, тынысы тоқтапты. Стоматологиядағылар жабылып реанимациялық шараларды жасаған соң бүлдіршін есін жинаған. Алайда, анастезиолог басқа дәрігерлердің қарсылығына қарамастан екпені екінші рет тағы жасаған. 38 жылдық тәжірибем бар, өзім білемге басыпты. Алайда, 3 жастағы бала сол күйі көзін аша алмай кетті. Сотталушы ата-анадан кешірім сұрағанымен, негізгі кінәні баланы алып кеткен жедел жәрдем және аурухана дәрігерлеріне жауып отыр. Естеріңізге салсақ, 2018 жылдың 22-ші ақпанында әскери келісім шартпен Қазақстанда жұмыс істеп жүрген ерлі-зайыпты ресейліктер ұлдарын жеке стомотологияға алып келген. Алайда олар ертеңіне баланың мүрдесін алып кетуге мәжбүр болды.
Марина Наумова сотталушы:
- Баланы жедел жәрдем алып кетерде онда жүрек қағысы, тыныс алуы қалыпты жағдайда болды. Олармен еріп барғанда, жан сақтау бөлімінде балаға бір сағат бойы ешқандай ем шаралары жасалған жоқ. Менің қандай екпе жасағанымнды сұрамастан, мен балаға берген ауыр дәріні олар тағы салды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
