Шалқардағы мұз айдынында қатарластарының қолынан қаза тапқан Мирасбек Дәулетиярдың өлімінен соң сол ауданға бір топ комиссия тексеруге барған еді. Олардың бір апта бойы не атқарғаны белгісіз. Себебі, комиссия мүшелері тексеріс қортындысын ашып айта алмай отыр. Бар болғаны жазаланған алты педагогтың тізімі ғана қолдарында. Ең қызығы қарапайым мұғалімдердің не үшін кінәлі болғандары да беймәлім. Айта кетелік, осыдан он күн бұрын Шалқарда оқушылар төбелесіп, бір баланы пышақтаған еді. 15 жастағы Мирасбекті қансыраған күйі такси көлігімен аудандық аурухана алдына тастап кеткен. Жасөсіпірім тілге келместен сол жерде мерт болады. Осы оқиғадан кейін Шалқардағы мектептерде күнде жиналыс. Ал тентектерді тезге салуға барған білім басқармасының тексерушілері тек құжат тексеріп қайтқан сыңайлы.

Жанар Еркешова, комиссия мүшесі:

- Комиссия мүшесі мен тек құжаттарды зерделеу мақсатында бардым.

- Құжаттары дұрыс болмады ма?

- Айтып отырмын ғой құқық бұзушылық алдындағы жұмыстарды жандандыру керек деп. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!