Атырау облысында жұмысшылар уланып қалды
Оқиға Жылой ауданындағы Теңіз кен орнындағы вахталық елдімекендердің бірінде болған. Сондағы «Юлмар Сервис» деп аталатын мекемеге қарасты асханада тамақтанған соң 16 адам өздерін жайсыз сезіне бастапты.
Автор: Жанар Низамутдинова
12.02.2019
420 адамға арналған асханадан ас ішкен оларға «тамақтан улану» деген күдікпен алдын ала диагноз қойылыпты. 4 адам аудандық орталық ауруханаға жатқызылса, өзгелері тексерілген соң жұмыстарына қайта қосылған. Дәрігерлер олар астан ұшынбаған, тек асқазандарына ас жақпай қалған болуы мүмкін дегенді айтып отыр. 16 жұмысшының бір мезгілде өзін жайсыз сезіну себептерін облыстық қоғамдық денсаулық сақтау департаменті тексеріп жатыр. Қазіргі кезде олар тамақтанған асхана жабық.
Жандарбек Бекшин, ДСМ Қоғамдық денсаулық сақтау комитетінің төрағасы:
- Лабораториялық зерттеу бойынша бірде бір инфекциялық қоздырғышы табылған жоқ. Сондықтан бұл белгісіз індет. Әрине біз зерттеуді әлі жалғастырамыз. Кейбір кезде тамақ жақпай қалады, кейбір кезде басқа да себептері болады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
