Қанат Бозымбаев, Энергетика министрі:

- Биыл елімізде 4 миллион тонна бензин өндіру жоспарда бар. Оның 3,5 млн тоннасы ішкі нарықты қамтуға жұмсалады. Қалған 500-650 мың тоннаны шетелге сатамыз. Айта кетерлігі, экспортқа жол ашылса, бұл мұнай өнімдерінің заңсыз тасымалын жояды.

Бозымбаевтың айтуынша, Павлодар, Атырау мен Шымкенттегі үш мұнай өңдеу зауыты жөндеуден өткелі бензин артығымен өндіріліп жатыр. Тіпті, жанармай қоймаларда бос тұрған соң, өндіріс көлемін азайтуға тура келіпті. Бірақ бұл бағаға еш әсер етпеген сыңайлы. Жұрт көп тұтынатын Аи-92-нің литрі бұрынғыдай 155 теңгеден сатылып жатыр. Десе де, қазақстандық бензин көрші Қырғыз еліне сатыла бастаған соң, үш кәсіпорындағы өндіріс қайта артады. Тіпті, кейін Еуразиялық экономикалық одаққа кірмейтін Өзбекстан, Тәжікстан мен Ауғанстанға дейін жанармай экспорттау жоспарда бар.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!