Алматыдағы офицерлер үйінде өткен қоштасу рәсіміне марқұмның достары, әскерилер мен мыңдаған адам жиналды. Сондай-ақ, 28 Панфиловшылар саябағындағы мәңгілік алау алдында қаралы жиын өтті. Борис Керімбаев 1981 жылы Ауғанстанға аттанып, нағыз қайсарлық пен батылдықтың үлгісін көрсеткен батыр азамат. 177-ші арнайы отрядты басқарған ол 2 жыл ішінде 40-қа жуық ұрысқа қатысқан. Тіпті, қан майданда «қара майордан» айласын асыра алмаған Ахмед шах Масуд оның басы үшін 1 миллион доллар тігіпті. Осылайша жауының алдында да беделі асқақтаған даланың дара командирі туған топырағы Алматы облысында жерленді.

Бақытжан Ертаев, Мәжіліс депутаты:

- Бізде қазақ айтады ғой, «өлі разы болмай тірі байымайды» деп. Әрине, әлі талай рет бұл кісінің алдында міндетімізді орындаймыз. Кітап та жазылады, кино да шығарылатын шығар. Бұ кісі біздің қаһарманымыз. Біздің батырымыз. Сол себептен бас иемін.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!