Роботоехникадан республикалық чемпионат тұңғыш рет ұйымдастырылып отыр. «Цифрлі Қазақстан» бағдарламасы аясында қолға алынған жарыста 15 жоғары оқу орны бақ сынауда. Елімізде бұл саланың кенже қалғанын мойындаған мамандар, мұндай бастама жастарға жол ашатынын айтады.

Медет Тұрғамбаев, Халықаралық ақпараттық технологиялар университетінің проректоры:

- Чемпионат өткізу өте қиын. Өйткені бізде робототехника бағыты бойынша көптеген университеттерде лабораториялар жоқ. Мектептерде де лабораториялар аз.

Жанар Темірбекова, Еуразиялық технологиялық университтеттің ректоры:

- Бірақ, бұл біз сол жерге жете алмаймыз, болмаса дамыта алмаймыз деген сөз емес. Енді осы талантты жастарға жағдай жасауымыз керек. Жағдайды қалай жасаймыз? Ол үшін осындай жарыс, конкурс арқылы жастар робототехникадан жарысқа қатыса алатынын біледі.

Ұйымдастырушылардың айтуынша, сайысқа дейін әр командаға демеушілер тарапынан 100 мың теңгеден бөлген. Бұл қаржыға робот құрастыруға қажетті құрал-жабдық сатып алған студенттер, заманауи ғылымға қызығушылығы артқанын айтады.

Олжас Сағымбек, жарысқа қатысушы:

- Бұл робот радио толқындар арқылы басқарылады. Үстінде манипулятор. Манипулятордың көмегімен шарларды белгілі қорапшаға салуға мүмкіндік береді. Әскери салада ракеталарды орнына қою үшін немесе тасымалдау үшін мүмкіндің бар. 

Ілім-білімді басты назарда ұстаған жарысқа Тұңғыш Президент қоры қолдау білдірген. Ал, сайыстан үздік шыққандар халықаралық чемпионатта бақ сынауға мүмкіндік алады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!