Елжан Біртанов, Денсаулық сақтау министрі:

- Елімізде жедел жәрдем шақырғандар саны 4 есеге артқан. Ал науқастардың стационарлық көмекке көңілі толмайды. Бұл сала әбден былыққа батқан. Мәселен, науқасты қабылдау бөліміне алып келеді де, тастай салады. Ауру адам дәлізде сағаттап күтеді. Оларды қарап жатқан ешкім жоқ.

Яғни, аяқ асты денсаулығы нашарлаған азаматты жақын жердегі кез келген аурухана қабылдамайды, кезекші емханаға жібереді. Біртанов  бұл барып тұрған заңбұзушылық дейді. Сондай-ақ Біртанов стационарларды қысқартып, оларды бір-біріне қосып жүйелейтінін айтты. Одан қалды елде 1 жарым миллион адам емханаларына әлі тіркелмеген. Тағы бір мәселе аймақтарда дәрігер жетіспеушілігі толық шешілмепті. Медицинадағы кемшіліктерді тізген министр баяндамасын аяқтаған бойда Үкімет басшысы шақырды деп шұғыл кетіп қалды. Ал жиналғандарға бір сергу үшін жаттығу жасауға кеңес берді. Осы жерде музыка қосылып залда отырған вице-министр, комитет төрағалары мен шенеуніктер жаппай билей жөнелді.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!