Шымкентте мектеп оқушысы бүлдіршіндерді оттан құтқарып қалды
5 және 3 жасар екі бүлдіршінді оттың ішінен алып шыққаны үшін «батыр бала» атанып үлгерген Бақытжан Беркінбай енді мемлекеттік наградаға ұсынылуы да мүмкін.
Автор: Бек Әбиев
18.02.2019
Ал, оқиға сенбі күні қала шетіндегі Құрсай шағын ауданында болды. Жер үйлердің бірінен от шығып, лезде бүкіл бөлмелерді от шарпыған. Бұл кезде баспана ішінде 3 балақай болыпты. Ал, ата-анасы үйде болмапты. От лаулай бастаған сәтте бүлдіршіндердің ересегі – бастауыш сыныпта оқитын қыз көршілеріне жүгірген. Көмек қажет екенін естіген 8-ші сынып оқушысы оң қолы сынғанына қарамастан еш ойланбастан қызыл жалынға оранған баспана ішінен екі бүлдіршінді алып шықты. Осы ерлігі үшін мектеп пен білім басқармасынан алғыс алып жатқан баланы төтенше жағдайлар департаменті тіпті мемлекеттік наградаға ұсынамыз деп отыр.
Бақытжан Беркінбай, оқушы:
- Іші қатты жанып жатқан. Оны ойлауға уақыт болған жоқ. Қыз бен баланы алып шығу керек болды. Сөйтсем оқыз бен бала жылап отыр екен, шыға алмай. Сосын барып шығардым. Үйге апарып су ішкіздім.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
