Көлік ішінен ақша жымқырған ұрылар қолға түсті
Алматыда көліктің ішінен 9 миллион теңгені қолды қылған ұрылардың екеуі ұсталды. Қалған екеуі іздестіріліп жатыр. Қос күдікті Шығыс Қазақстан облысының тумалары.
19.02.2019
Өткен аптада 31 жастағы алматылық келіншек қомақты қаражат салынған сөмкесін көлігінің ішіне қалдырып кеткен еді. Кейін оңтайлы сәтті күткен қаскөйлер көліктің терезесін сындырып, ақшаға толы сөмкені ұрлап қашады. Оқиға тал түсте қаланың қақ ортасында болған. Сан соққан зардап шегуші әккі ұрыларға нұсқау берген тағы бір адам бар екеніне сенімді дейді тәртіп сақшылары.
Салтанат Әзірбек, Алматы қалалық Полиция департаментінің ресми өкілі:
- Төртеуі де бұрын сотталған азаматтар. Ұсталған екеуінің біреуісі Алматы облысында қолға түсті. Екіншісі қаладан шығып кете алмады. Қазіргі таңда қылмыстық кодекстің 188 бабы, 4 тармағы бойынша қылмыстық іс қозғалып, тергеу амалдары жалғасуда.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
