Көлігіне жарылғыш зат салып алған жүргізуші шатылып жатыр
Жамбыл облысында көлігіне бүтін ауылдың күлін көкке ұшыруға жететін жарылғыш зат салып жүрген азамат ұсталды. Оның машинасындағы екі қап қауіпті затты көргенде, тәртіп сақшыларының төбе шашы тік тұрған.
Автор: Руслан Әбдіхалық
19.02.2019
- Лэнд-Крузер маркалы автокөлігінің жүк салғышынан мөрленген жарылғыш зат, екі қалтаға бөлектеніп, аузы байланған.
Машинаны мойынқұмдық полицейлер тас жолда кездейсоқ тоқтатқан. Бірден сыр берген 38 жастағы азамат көлікті тінтуге қарсылық білдіріп, қиғылық салған. Онысы бекер болмай шықты. Аммонит көбіне тау-кен өндірісінде тас қопаруға қолданылады. Ал ұсталған азамат оны Ұланбелдегі қараусыз қалған әскери нысаннан тауып алдым деп ақталған. Бірақ бұл жарылғышты «Ақбақай» кенішінен алтын олжалау үшін қолданғысы келген болуы мүмкін. Қазір осы нұсқа тексеріліп, дерекке қатысты тергеу жүруде.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
