Жұмыртқа деп сатқаны резеңке болып шықты
Қазақстан мен Қырғызстанның базарларында Қытайда жасалған жасанды тұқым саудаланып жатыр делінген бейнежазба тарап кетті.
19.02.2019
Видео авторы – өскемендік келіншек ақуыз бен саруыздың орнына іші қызыл гельге толтырылғанын айтуда. Қызылмен мөрі басылған жұмыртқаны суға салып қайнатсаң, ішіндегі сұйықтық табиғи өнімге тән түстерге боялады, дейді. Дәл осындай жағдай күні кеше көрші қырғыз елінде де болған. Қытайдың қауіпті өніміне тап болғандар, тұқымның сарысын көріп жағаларын ұстап отыр. Ғаламторда аспан асты елінде жұмыртқаны қалай қолдан жасайтыны бейнеленеген роликтер көп. Енді оның біздің елге жетіп, базарда еркін саудаланып жатқаны халықты үрейлендіріп отыр. Ал жауапты мекемелер болса өтірік жұмыртқаны таппадық дейді.
Болат Қуанышбеков, ШҚО қоғамдық денсаулық сақтау департаменті басшысының орынбасары:
- Бүкіл облыс бойынша сауда орындарында мониторинг жүргізіліп, тексерістер жүріп жатыр. Бүгінгі таңда ондай жұмыртқа табылған жоқ. Табылған жағдайда біз оны сатып алып лабораториялық тексерістер жүргіземіз.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
