- 20 жыл сабыр қылдым. Үйде 87 жастағы анам бар. Жазатын жердің бәріне жаздық. 9  сот болды. Одан артық не керек?

Жігіт қолына құжаттары мен сұйықтық құйылған бөтелке ұстап алған. Тура журналистер отыратын орталықтың алдында өзін жарып жіберемін деп, шенеуніктерді қорқытпақ болды. Жамбыл облысының тұрғыны Астанаға жер сұрай келген. Оның айтуынша, 20 жылдан бері жер теліміне қол жеткізе алмай жүр екен. Оқиға орнына дереу  полиция мен  жедел медициналық көмек жетті. Тәртіп сақшылары жігіт райынан қайтқанша журналистерді де ғимараттан шығармай ұстап отырды. Бірақ наразы азамат жарты сағаттан соң өз еркімен полицейлерге берілді.

Нұрділдә Ораз, Ішкі істер министрінің кеңесшісі:

- Қазір бұл жағдайдың барлығын соңына дейін зерттеп, зерделеп, ол кісінің тілек-талаптарын тыңдап, толық ақпарат береміз. Дәл қазір біз бұл кісінің әрекетін қылмыстық, әкімшілік деп айта алмаймыз. Ең бастысы біз ол кісі қоғамдық тыныштықты бұзды  деп есептеуге болады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!