Осыдан бір апта бұрын Байланыс және ақпарат министрі бұйрық шығаратыны туралы белгілі болған еді. Ол бұйрық бойынша тілшілер жиын барысында тақырыптан тыс сұрақ қоюға болмайды. Жиынға кіру үшін де тілші жұмыс орнынан анықтама әкелуі тиіс. Кірген жағдайда бөлмеге симай қалса, шараға қатыстырылмайды. Сенатор бұл мәселелермен жақсы таныс екен. Оның ойынша, министрлік бұйрық шығармас бұрын  ақпарат өкілдерімен ортақ келісімге келу керек. Осылай деген  Дариға Назарбаева елдегі жағдайдан толық хабардар екенін де жасырмады.

Дариға Назарбаева, Сенат депутаты: 

- Әрине, оқимын. Пікірлерді де қараймын. Қоғамның қалай қабылдап жатқанын бақылап, біліп отырам. Егер қандай да бір әділетсіздік көріп қалсам, біз оған араласамыз. Бірақ, оны көпке дабыра қылмай, тиісті министрліктер деңгейінде шешеміз. Меніңше, айғайлап, бір-бірімізден талап етіп жатқаннан гөрі, осындай жол әлдеқайда тиімді сияқты.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!