Жансерік Сүйінбаев жобаға 3 жылға жуық уақытын сарп етіпті. Тіпті, кеңес кезеңінде күйтабаққа жазылған жыр-дастанды сандық технологияға көшіру үшін «Мелодия» компаниясымен келісім-шартқа отырған. Аз уақытта 200 қолданушы көшіріп үлгерген мобильді қосымшадан «Алпамыс батыр», «Айман-Шолпан» және «Асау барақ» дастандарын тыңдай аласыз. Жоба авторы болашақта эпостардың тізімін 11-ге жеткізуді көздеп отыр. Ал, бастамаға мемлекет тарапынан қолдау болса деген Жансерік, «Қазэпос» қосымшасы арқылы жас ұрпақты тәрбиелеуге болатынын айтады.

Жансерік Сүйінбаев, «Qazepos» мобильді қосымшасының авторы:

- Атам кішкентай кезімнен осы күйтабақтарды қосып беретін. Сондықтан программист болғасын осындайларды электронды түрде шығару менің ойыма келді. Кеңейте беруге болады. Тек қана эпостар емес, аңыз-әңгімелерді де аудио нұсқада салуға болады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!